Diadomingo mainta dia 1 di september 2019 a tuma luga un Santo Sacrificio di Misa na Misa Cristo Rey pa inicia cu e grandioso Celebracion di Dia di Brazil.
Pastoor di Parokia a duna e bendicion pa asina aki e Parada Folklore Cultural Aruba por a conta cu e guia supremo di nos Creador.
E tema central di e predicashi tabata humildad, peticion pa nos disfruta, engrandece y gosa sanamente di nos cultura, folklore y tradicion.
Masha danki na Pastoor, su ayudantenan y e tremendo coro cu a laga nan bos angelical resona. Danki na e Miembronan di Comision, Fundacion Chico Harms, tur Grupo Cultural y grupo di Corsou Sembra Alegria, tur Reina Folklore Cultural cu tabata presente, sperando cu paz y union familiar lo reina aki na Aruba. Y cu e luz di bondad lo guia e ruta y e caminda cu hunto nos mester cana cu tanto amor y pasion.
John F. Kennedy Education Center
Stadionweg 37, Oranjestad, Aruba
Telefon:
(297) 582-2185
E-mail:
info@cultura.aw
Oranan di Oficina:
Dialuna – Diabierna
7:30 AM – 4:30 PM
