Pre-Final “Competencia Hubenil Manic Monday & Gang di Arte 2018”

Relato fotografico di prome y di dos pre-final di Competencia Hubenil Manic Monday
Talent Show y Gang di Arte Aruba 2018.

Dialuna 1 di october y dialuna 5 di november 2018, na Cas Di Cultura den un ambiente masha agradabel y hubenil mes, a tuma luga e prome y di dos pre-final di Competencia: Manic Monday/Gang di Arte 2018. Sin duda, e prome y di dos grupo di hoben cu a participa a pasa den e prome fase di e trayecto y sigur nan a haya e oportunidad pa demostra nan talento y nan habilidad artistico. Tambe nan a cera conoci cu e hobennan cu a clasifica pa e grandioso final cu a tuma luga dia 10 di december 2018. Nos a desea tur hoben participante hopi exito y bendicion y den e mesun rosea nos kier a gradici tur persona cu a haci di e anochi aki uno posibel. Danki na tur empleado y tecnico di Cas di Cultura, Departamento Di Cultura Aruba, cuerpo di hurado, e maestronan di ceremonia y publico presente. Dia 10 di december 2018 a tuma luga e grandioso anochi final, unda e participantenan mester a presenta cu un obra completamente original cu un tema special dedica na ‘Papiamento».

E siguiente 12 hobennan a clasifica pa e grandioso final: 1. Shequan Nichols (rap/ baile), 2. Kevin Marquez a.k.a. Nahliel (rap), 3. Duo BMT – Brandon Kerr y Zef Kerr (rap), 4. Jose Faria (baile), 5. Banda Danger Fast: Kelvin Flores, Santiago Buitrago, Ramiro Britt y Jhostin Flores (Canto y dominio di instrumento), 6. Grupo Seshaji: Tyrone Chirino, Ferghall Vlaun, Rogianne Wyman (baile). 7. MaryKay Quandus, (Arte di Palabra/ teatro/ video art). 8. Cy- Anne Simmons (canto). 9. Grupo Seshafam: Joel Recappe, Ginsing Obispo, Lenny Espinal, Kea Yen (baile). 10. Kesley Westenburger (canto). 11. Grupo Ata Jean Kinan: Jean Chisme, Solandy Charles, Brunelson Charles, CLevenson Grandin, Jean Tiverne (canto y dominio di instrumento). 12. Grupo Sombra: Guicel Krozendijk, Jeston Arends, Lucius Kanaar, Manuel Alfonzo Lopez Hernandez. (canto y dominio di instrumento). Tambe a ser anuncia cu Aruba tin e oportunidad di selecta publicamente cua ta e di 13 hoben of grupo cu lo a pasa pa e grandioso final y por a haci esaki pa medio di votacion riba nos pagina di facebook, Gang di Arte Aruba y Manic Monday Talent Show y unda publico en general por a selecta esaki a base di nan presentacion. E hobennan cu a bin na na remarca pa dicho votacion tabata: 1.Jaspal Sing, (teatro/ stand-up comedian). 2. Andres Felipe Gil Garcia, (baile, Arte di Palabra y dominio di instrumento). 3. Guinnevere Chatlein (baile). 4. Sue- Ann Bareño, (canto). 5. Mirzah Manga, (video arte-baile). 6. Neila Petrochi, (musica, canto). 7. Shjakayne Manuela, (baile, arte visual, video art) y 8. Marly Andre Gomez (rap). Publico a sostene, engrandece y keda admira e talento creativo y potencial artistico cu ta reina memey di nos hobennan!

Colaboradonan: Vicky Arens-Tjon A Tjoe, Julie Merencia, Marlene Lampe, Afranina Henriquez, Franklyn Richard Deluvia, Esmara Martis, Doralba Emerenciana, Omar Brown, Junior Tromp, Gloria Bryce, Rachel Kraaijvanger, Pierangely Wever, Ayrton Tromp, Juelle Thodé Anuar Habibe y Stan Dabian.