E bailenan cu a influencia nos Cultura ta origina di e baile di fin di siglo 18 y di principio di siglo 19:

• Europeo: Wals, Mazurka, Polka, Quadrylla y Marcha;
• Latino-Americano: Danza;
• Africano: Danza;
• Antiano: Tambu, Tumba;
• Caribense: Soca.

Nos bailenan cultural ta:

• Baile di Soca: cu normalmente ta wordo balia durante e temporada di celebracion di Carnaval;
• Baile di Dera Gay: a origina desde 1862 cu ta wordo balia pa e celebracion riba Dia di San Juan;
• Baile di Cinta: un tradicion di origen Europeo, antes riba 30 di april pa e celebracion di Aña di La Reina. Desde aña 2013 ta celebra Dia di Rey riba 27 di april;
• Baile di Tambu: a origina for di e cultura di e catibunan Africano na Corsou ‘Tambu’ cu a desaroya y introduci na aña 1827 riba nos isla. E ta un baile hopi alegre cu accento riba e heupnan y tabata masha movibel;
• Baile di Tumba: ta specifico di Corsou. Tumba a nace for di e Tambu;
• Baile Polka: ta procedente di Bohemen, un baile alegre y ‘bibito’;
• Danza: ta origina for di Europa via Latino America;
• Mazurka: ta procedente di Polonia: baile di salon y elegante;
• Baile Wals: ta nos baile nacional, introduci durante siglo 19 como un baile di salon E ta procedente for di Austria. E ta un baile masha elegante.